Arde Chinero
https://www.lacomarca.net/castelseras-prende-monumental-hoguera-san-sebastian/ Ye Chinero y Arago arde d'o Pireneu a lo zaguer rincón de Teruel baixo lo fuego sagrau de cientos de fogueras ancestrals, celebrando solsticios y purificando pestes medievals. Sant Anton, Sant Sebastian, Sant Vizién, Sant Fabián, Sant Babil…. Tiempo de matacía tamién, y la parrillada lista pa compartir. Gregorio y la suya filla Julia tocan la dulzaina en Castelseras y a ritmo d'o tambor la chent danza lo rodat arredol d'a impresionant foguera No en totz los lugars ye asinas. En estes tiempos en que tant necesario sería totas las fogueras que estasen posibles pa purificar y sanar tanto endemoniau que camina suelto per astí escupindo zapos y cullebras a diestro y siniestro, hai lugars an no han prendido las fogueras. Como en Costean, an Toribio y Emilia, dos chovens que ya no cumplen los 80, no han puesto bailar arredol d'a foguera de Sant Fabian ni compartir longaniza n